ལི་ཐང་བའི་ཁྱིམ་གཞིས།

2013年5月17日星期五

༄༅།།ཅོ་རི་ཉི་མ། ལམ་དབུ་མ་མ་བརྗེད་ཨ།

_____________ ལམ་དབུ་མ་ལ་ཕྱག་འཚལ་ལོ།

དེ་རིང་ཉིན་གང་བོར་བོད་མི་རིགས་དང་རྒྱལ་ཁབ་ཀྱི་ཆེད་དུ་ལས་དོན་འདྲ་མིན་ཞིག་གི་གོ་སྒྲིག་འོག་ནས་ལས་འགུལ་དེ་དག་ཞུགས་ནས་ད་ལྟ་རང་ཤག་ཏུ་བསླེབས་སོང་། ངས་རང་ཤག་བསླེབས་ནས་དྲྭ་ཚུགས་འགའ་ཤས་ལ་བལྟས། བོད་ཀྱི་དུས་བབ་མདུན་དུ་ལམ་དབུ་མ་ལ་རྒྱབ་སྐྱོར་ཅན་གྱི་རྩོམ་འགའ་ཤས་དང་དེ་ལས་གཞན་པ་འགའ་ཡང་འདུག དེ་ནས་ཡུན་རིང་ཞིག་ལ་མ་ཡོང་བའི་ཤམ་བྷ་ལའི་ཟིན་བྲིས་སྒོ་ཕྱེས་པ་ཡིན། དེར་ཅོ་རི་ཉི་མ་ཟེར་བ་འདིས་༧གོང་ས་མཆོག་གི་ལུང་ཡིན་མིན་མི་ཤེས། གང་འདོད་ལྟར་ལུང་ཟ་ཟུར་རེ་བགྲང་ནས་རང་བཙན་རྩོད་དགོས་སྟངས་འགའ་ཤས་བྲིས་འདུག དེ་ལ་ལན་འདེབས་མཁན་བོད་མི་མང་གི་སྤྱི་འཐུས་གངས་ལྷ་མོ་སོགས་དེ་མིན་གྱི་དྲྭ་འབུ་འགའ་ཤས་ཀྱང་འདུག

དེ་སྔ་ཡང་ཅོ་རིས་བཀའ་ཁྲི་འོས་ལྡུག་སྐབས་སུ་བསམ་ཚུལ་མི་མཐུན་པ་མང་པོ་བྲིས་སོང་ཡང་མི་རེ་ལ་ལྟ་བ་རེ་ཡོད་ཀྱི་རེད། ད་གཡུགས་ཤོག་བསམ་ནས་བསམ་ཚུལ་དམིགས་བསལ་བ་ཞིག་བྲིས་མེད། ད་ལྟ་ཡང་འཇགས་རྒྱུ་མེད་པའི་ལམ་དབུ་མ་དང་རང་བཙན་གཉིས་ཀྱི་ཁ་ཕྱོགས་སྟངས་སྐོར་ལ་ན་གཞོན་ལུགས་མེད་འགའ་ཤས་ཀྱིས་མ་ཤེས་ཤེས་མདོག་དང་། མ་འཇོན་འཇོན་མདོག་གི་གདོང་ལྤགས་མཐུག་པོ་རེ་ཁྱེར་བཞིན་ད་ལྟའི་དུས་འདིར་དྲྭ་བ་ཁག་གི་ཟིན་བྲིས་དང་། སྐད་འཕྲིན། ངོ་དེབ་སོགས་སུ་ལམ་དབུ་མ་ཟེར་བ་འདི་རིན་ཐང་ཆུང་དྲགས་ཚུལ་དང་། རང་བཙན་ཟེར་བ་དེ་བརྩོད་བཞག་ན་ཕལ་ཆེར་རག་མིན་འགྲོ་བསམ་བསམ་གྱི་སྣང་བ་སྐྱིད་པོའི་སྐད་ཆ་རེ་བཤད་བཞིན་གདའ་མོད།

阅读更多博文 »

<<སྐྱེས་སྐར་བསུ་བའི་དབྱངས།>>

____________ཤིས་ཚིག་ཅིག་གི་དོད་དུ་ཤར་མར་བྲིས།

ཀ་དག་ཆོས་ཀྱི་རོལ་དབྱངས་དཀྲོལ་མཛད་པའི།།

ཁ་ནས་གསུང་སྐད་བྱོན་པའི་སྟོན་པ་ཡི།།

ག་ཤེད་ཅིག་ནས་འཁྲུངས་སྐར་བརྟོལ་སོང་བས།།

ང་ཚོའི་གདུལ་བྱ་རྣམས་ཀྱིས་མེ་ཏོག་གཏོར།།

ཅ་ཅོ་ཆེན་པོའི་གྲོང་ནས་མ་གཤགས་ཏེ།།

ཆ་ལུགས་མྱི་དང་མཐུན་པའི་ཚུལ་མཛད་ནས།།

ཇ་རྐྱང་བཞེས་ཀྱིན་བཞེས་ཀྱིན་འུ་ཅག་དང་།།

ཉྭ་ཆུ་བཞིན་དུ་བཞུད་པར་ཨེ་མ་ཧོ།།

阅读更多博文 »

2013年5月13日星期一

རྩོམ་སྒྲིག་པའི་གཏམ།

_____________ཆིག་སྒྲིལ་འདོན་ཐེངས་དང་པོའི་ཀླད་ཀྱི་གཏམ།

༄༅།།ད་ལྟ་ཁྱེད་ཅག་གི་མིག་མདུན་དུ་ཡོད་པའི་<<ཆིག་སྒྲིལ>>་ཞེས་པའི་འདོན་ཐེངས་འདི་ནི་ང་རང་གྲྭ་རྐྱང་ཞིག་གིས་སྒེར་གཉེར་བྱེད་པའི་དམིགས་བསལ་གྱི་འདོན་ཐེངས་གསར་བ་ཞིག་ཡིན་ལ།དུས་དེབ་འདིའི་ནང་གི་རྩོམ་ཡིག་སྡུར་སྒྲིག་བྱེད་བཞིན་པའི་བརྗོད་གཞི་ཁག་ནི་བོད་མི་རིགས་འདི་ཉིད་འདས་མ་ད་གསུམ་གྱི་ལས་དབང་ལ་གཞིགས་པའི་རྩོམ་ཡིག་ཤ་སྟག་ཡིན།དེ་བས་གླེང་རིན་དང་དྲན་རིན་ཡོད་པ་ནི་འདས་ཟིན་པའི་སྤུ་རྒྱལ་བཙན་པོའི་དུས་སྐབས་ནས་བཟུང་སྟེ་ཁ་སང་དེ་རིང་གི་བར་གྱི་ལོ་རྒྱུས་ཀྱི་རྒྱབ་ལྗོངས་ལ་བསམ་གཞིགས་ཤིག་བྱས་དུས་ངོ་མ་དགའ་ནས་དགོད་མི་ཤེས་པ་དང་སྡུག་ནས་ངུ་མི་ཤེས་པའི་རྣམ་པ་མང་པོ་ཞིག་རང་བཞིན་གྱིས་སླེབས་ཡོང་གི་གདའ།

གསལ་བོ་ཞུས་ན་སྤྱི་ལོ་གཅིག་སྟོང་དགུ་བརྒྱ་ལྔ་ཅུ་ང་དགུ་ལོའི་དུས་ངན་གྱི་ཀློང་རུམ་ནས་བསྟན་དགྲ་རྒྱ་ནག་དམར་པོའི་སྲིད་གཞུང་གིས་རང་རྒྱལ་ཆོས་ལྡན་གྱི་ཞིང་མཆོག་འདི་ཉིད་ཧམ་ཟོས་བྱས་ཏེ་ད་བར་མི་ལོ་དུ་མའི་རིང་ལ་ཤ་རུས་ཁྲག་རྒྱུན་གཅིག་པ་དང་།སྐད་ཡིག་གཅིག་པ།ཕུགས་བསམ་གཅིག་པ།ལས་དབང་གཅིག་པ།མདོར་ན་ཡོད་ཚད་གཅིག་པའི་རང་ཅག་སྤུན་ཟླ་ས་ཡ་དྲུག་པོ་འདི་ཉིད་གཞིས་བྱེས་གཉིས་སུ་ཁ་འཐོར་དུ་བཏང་ནས་བཟུང་གཞིས་བཞུགས་ཀྱི་བོད་མི་དེ་དག་ལ་ད་བར་ཁྲག་གི་བྲོ་བ་འདི་ཉིད་རྒྱུན་མ་ཆད་པའི་བྱ་སྤྱོད་སྟེ་གཉའ་གནོན་དང་མནར་བཅོས་རྡུང་རྡེག་བཤུ་གཞོག་སོགས་བྱས་རྐྱེན་མཐའ་དོན་མི་རིགས་འདི་ཉིད་ཀྱི་རང་དབང་བསྐྱར་གསོ་ཡི་སླད་དུ་འ་ཆད་འུ་ཐུག་གི་སོ་མཚམས་སུ་སླེབས་ཏེ་རང་གི་ལུས་ཕུང་འདི་ཉིད་མེར་མཆོད་དུ་བསྒྲོན་པའི་ཞི་བའི་ངོ་རྒོལ་གྱི་སྲོལ་གསར་ཞིག་<<འདི་ལ་དེང་སྐབས་ཡོངས་གྲགས་སུ་གསར་བརྗེ་སེར་པོ་ཞེས་བརྗོད་ཀྱིན་ཡོད>>སྟེ་༡༩༩༨།༤།༢༧ཉིན་དཔའ་རྒོད་དམ་པ་ཐུབ་བསྟན་དངོས་གྲུབ་ཀྱིས་རང་ལུས་མཆོད་མེར་ཕུལ་བ་ནས་སྤྱི་ལོ༢༠༡༢་་༢་་༡༩ཉིན་རྒྱལ་གཅེས་དཔའ་བོ་སྣང་གྲོལ་ལགས་ཀྱི་བར་དུ་རྒྱུན་མཐུད་དང་མཐུད་མུས་སུ་ཡིན་དུས།

阅读更多博文 »

2013年5月12日星期日

ལག་པ། ལག་པ།

__________འགྲེལ་བ་ཅན་གྱི་མྱི་སྐད་འགའ་ཤས།

ལག་པ་གནམ་ལ་བཀྱཊ་པའི་སྟངས་ཀ་འདི།།

ཉི་མ་རུམ་ལ་རེ་བའི་མིག་ཟུང་ཡིན།།

阅读更多博文 »

རླབས་ཆེན་གྱི་སྐྱེས་མ་ཡ། ངས་ནམ་ཡང་དྲན་འོས།

______ཨ་མ་དང་ཁ་བྲལ་ནས་ལོ་ངོ་བདུན་སོང་ཤུལ་དུ།

ལོ་ཟླ་ནི་ཆུ་མོའི་བཞུར་རྒྱུན་བཞིན་གཅིག་རྗེས་གཉིས་མཐུད་རེད། བདག་གི་སེམས་འགྱུ་ཡང་དེ་དང་མཉམ་དུ་ལྷོད་ཀྱིས་བཞུར་གྱིན་གདའ། ཕྱིར་རྟོག་དང་བསམ་གཞིགས་ཐེངས་ཤིག་བྱེད་ན། དེ་རིང་ནི་ང་རང་ཕ་མ་གཉིས་དང་ཁ་བྲལ་ནས་ལོ་ངོ་བདུན་ཙམ་ཕྱིན་ཟིན་པའི་ཉིན་མོ་ཞིག་རེད། རེད། མགྱོགས་པོ་ལག་ཟུང་བྲང་ཁར་བཞག་ནས་བསམ་བློ་ཐོངས་ཤིག ངས་རང་གིས་རང་ལ་དེ་ལྟར་སྨྲས། ངའི་མདུན་ན་སུ་ཡང་མེད། ངས་དེ་ལྟར་འདྲི་དོན་ཡང་དེ་ཡིན།

阅读更多博文 »